Entel IT Consulting enpresako FOSS departamentua (Free and Open Source Software) software libreko programazio bizkorreko lehiaketa babesten du. Honako hauek dira bertan parte hartu ahal izateko baldintzak:
1.- FOSS-CODING 2009 lehiaketan Euskal Encounter-eko partaide orok har dezake parte.
2.- Lehiaketan parte hartzeko taldeak antolatu beharko dira gutxienez 1 eta gehienez 4 lagunek osatuak.
3.- Lehiaketan izena emateko, Emaila igori beharko duzue fosscoding@euskalencounter.org helbidera bertan taldearen izena, posta elektronikoko helbidea (nora antolatzaileek egindako komunikazio oro bidaliko baitira) eta taldea osatzen duten kideen identifikazio datuak, hots, izen-abizenak, nick-a eta party-an duten lekua, garbi adieraziz.
4.- Lehiaketarako izen-ematea erabat dohan izango da.
5.- Izen-emate fasea amaitu ondoren, ordubete azpitiko epean eskakizunak aztertu eta lehiaketari hasiera emango zaio.
6.- Izena eman duten talde guztiek mezua jasoko dute Email helbidean lehiaketa hasten dela esanez eta egin beharreko programaz jakinaraziz.
7.- Behin taldeek lehiaketan onartuak izan direla jakinda izen emandako taldeen datu ez pertsonalak ikuskatu ahal izango dira talde parte-hartzaileen zerrendan.
8.- Hauxe FOSS (Free and Open Source Software) lehiaketa da, beraz aurkeztutako programa oro lizentzia librea beharko du izan. Antolatzaileek GPL v3 (http://www.gnu.org/copyleft/gpl.html) gomendatzen dute baina beste edozein ere onartuko da (hartarako zerrenda ikus dezakezue http://www.gnu.org/licenses/license-list.es.html#SoftwareLicenses)
9.- FOSS lehiaketa izanik programan erabilitako artxibo formatoak eta dokumentazioa ere libreak beharko dute izan, esaterako OpenOffice.org formatoa erabiliko da Office-aren ordez, etab.
10.- Eraberean hobe izango da tresna libreak erabiltzea eta emaitzak baloratzerakoan posible izango da hura kontutan hartzea.
11.- Lehiaketa uztailak 24ean, ostirala, gaueko hamarretan hasiko da eta epea 25ean, larunbata, gaueko hamarretan bukatuko da.
SARIAK:
Lehen saria- Neo FreeRunner (hardware eta software libreko telefonoa)
Bigarren saria- GP2X Wiz bideo-kontsola (hardware eta software librekoa)